Градоначалникот Филип Темелковски одржа работна средба со заменик министерот за животна средина и просторно планирање, Јани Макрадули.
На состанокот се дискутираше за преземање на мерки за заштита на животната средина, како за справување со ризиците од аерозагадувањето и управување со разните видови отпад.
Од страна на градоначалникот Темелковски, министерот Макрадули беше запознаен со мерките кои Општина Кисела Вода ги презема за справување заштита на животната средина, беше презентирана и програмата на локалната самоуправа за заштита на животната средина за 2018 година и локалниот еколошки акционен план на Општината кој е во функција до 2021 година.
Беше разговарано и за поскоро изнаоѓање на заеднички конкретни чекори за изнаоѓање на решение за справување со загадувањето предизивикано од фабриката Охис.
Средбата беше заокружена со договор за за интензивирање на меѓуинституционалната соработка со цел заштита и подобрување на животната средина.