Тројца млади скопјани вчераутро наишле на безживотно тело во одводен канал во населбата Гази Баба, соопшти полицијата.
„На 17.05.2021 околу 07.20 часот во СВР Скопје, С.Д.(21) од Скопје пријавил дека околу 05.30 часот на подрачјето на Гази Баба, додека бил заедно со А.Н. и Ф.Н., забележале безживотно тело во водите на сепарацијата. Од лекар од Итна медицинска помош била констатирана смрт, без траги насилство, а телото било извадено и предадено на Судска медицина за понатамошна постапка“, се вели во полициското соопштение.
Увид на местото извршила екипа од СВР Скопје, од каде додаваат дека се преземаат мерки за расчистување на случајот.