Претседателот на СДСМ Зоран Заев испрати телеграма со сочувство до семејството на починатиот академик и познат скулптор Томе Серафимовски.
– Искрено и длабоко сочувство за смртта на почитуваниот академик и познат скулптор Томе Серафимовски, во мое име и во име на Социјалдемократскиот сојуз. Загубата е на семејството, но и на граѓаните на Република Македонија, се вели во телеграмата.
Академик Серафимовски, како што се наведува, остави зад себе богатата ризница на скулптури, портрети, споменици, спомен-обележја, идејни решенија, други дела во Македонија за кои беше награден, но со кои успешно ја промовираше и Република Македонија во регионот и светот.
– Во моментите на болка, утеха нека биде неговото творештво кое останува вечен спомен, стои во телеграмата со сочувство од Заев.
