Татко и син од Ресен завршија на болничко лекување откако се обиделе да го локализираат пожарот кој пламнал во нивната куќа.
Од МВР велат дека вчера во 14.20 часот во полициската станица Ресен било пријавено дека на ул.„Преспанска“ настанал пожар во куќа сопственост на И.Д.(57) од Ресен.
Во пожарот со повреди се здобиле И.Д. и неговиот син М.Д.(19), кои биле пренесени во болницата во Ресен за укажување помош.
Пожарот бил изгаснат од екипа на Територијалната противпожарна единица Ресен. Увид бил извршен.
