Независниот кандидат за градоначалник на Битола, Кирчо Ташков, најави дека доколку ја добие довербата на граѓаните и биде избран за градоначалник на општина Битола ќе ја подобри координацијата на општинските институции и ќе ја зголеми нивната ефикасност во функција на граѓаните.
-Општинските институции во овие 12 години не функционираат правилно и не се координирани. Ако бидам избран за градоначалник на граѓаните ќе им овозможам ефикасни локални институции, отворена општинска администрација и ефикасни јавни претпријатија. Потребите на граѓаните се мој приоритет и затоа им порачувам на граѓаните в недела масовно да гласаат и да кажат едно големо не на досегашните погрешни политики и секако да ме поддржат бидејќи јас ќе бидам нивниот вистински градоначалник, истакна Кирчо Ташков, независен кандидат за градоначалник на Битола.