Таравари: Наставниот кадар треба да учествува во изборот на директори на училиштата

Од:

Градоначалникот на Гостивар, Арбен Таравари, низата посети во основните и средни училишта ја започна во најстарото градско училиште „Исмаил Ќемали”. Притоа, тој оствари средба со вработените во училиштето и побара од колективот да даваат предлози за назначување на в.д. директор на училиштето.

„Треба постепено да одбереме директори на основните и средни училишта. Според мене, едно од најпрестижните и најважни училишта е училишптето во кое и јас сум учел, односно училиштето „Исмаил Ќемали“. Сметам дека наставниот кадар треба да биде дел од изборот на директорот и затоа сум тука да ги слушнам нивните предлози. Ќе земам неколку нивни предлози и наскоро ќе се определам за еден од нив“, изјави за медиумите градоначалникот Таравари, прецизирајуќи дека идентични посети ќе оставри во наредните денови и во другите поголеми градски училишта.

На новинарско прашање за состојбата со греењето во училиштата, градоначалникот на Гостивар објасни дека во моментов нема проблеми.

„Јавната набавка за нафта е извршена од страна на претходното раководство, со исклучок на некои помали училишта во руралните средини каде се користи огревно дрво. Денес и следните неколку дена ќе се врши снабдувањето со нафта во училиштата и се надевам дека нема да има никакви проблеми во овој поглед. Проблемот што се појави во основното училиште “Мустафа Кемал Ататурк” во градот и во село Здуње, Секторот за образование успешно го надмина“, појасни градоначалникот Таравари.

Би можело да ве интересира

Тригодишно дете ќе се загушело од гумена бонбона, без свест донесено во болница во Гостивар

Катерина Ѓуровски

Пет пациенти пуштени денеска, двајца се враќаат од Литванија и Шведска, четворица во критична состојба

Таравари: Денес осум пациенти од Скопје се пуштаат дома, од странство се враќаат уште девет пациенти

Горан Наумовски

Таравари: Инсистирав сите партии од Коалицијата на локалните избори за излезат со посебни листи

Релативно стабилна е состојбата во ВРЕДИ, вели Таравари

Таравари: Денеска се враќаат пет пациенти, четворица од Шпанија и еден од Грција