Ниту сум судија ниту пак имам ингеренции да избркам некого од работа, но очекувам директорите на Детската клиника и на болницата „Козле“ да преземат мерки за лекарите што направиле превид во случајот со смртта на починатото 14-месечно бебе како што нотираше комисијата , изјави министерот за здравство Арбен Таравари.
Таравари потенцираше дека нема да ги разрешува директорите, остава време тие да преземат мерки и да има одговорност за случајот.
„Верувам дека двајцата директори ќе преземат мерки, а какви ќе бидат, не сакам да предвидувам, сепак очекувам од нив да има некаква одговорност“, изјави Министерот.
Извештајот на комисијата е испратен до двете клиники и до Лекарската комора.