Спикерот Талат Џафери, кој денеска присуствуваше на ратификацијата на Протоколот за влез во НАТО не беше пожелен гостин во Парламентот на Црна Гора за дел од пратениците.
Пратениците од опозицијата бурно реагираа за присуството на Џафери во собраниската сала, прашаа зошто Џафери е тука а не во Собранието на Хрватска каде што исто се врши ратификација на Протоколот.
„Господинот Џафери е поранешен член на Терористичката организација ОНА која пукаше врз македонските војници, македонската полиција, а сигурно пукаше и врз Србите“, рече еден од пратениците.
Тие се спротивставија да се гласа за ратификацијата, бидејќи на Референдумот се изјасниле позитивно само 36 проценти од гласачкото тело и овој чин на ратификација е против желбата на мнозинството Македонци.
Сепак, на крај, со 44 гласа за, без опозиција беше ратификуван Протоколот.