Новиот претседател на Собранието, Талат Џафери влезе во неговиот кабинет кој вчера беше окупиран со пратениците на ВМРО-ДПМНЕ. Џафери ја презеде функцијата претседател на Собранието без проблем, а првото кафе во кабинетот го испи со евроамбасадорот Самуел Жбогар.
Генералниот секретар на Собранието, Жарко Денковски веќе му честитал на Талат Џафери за новата функција, претседател на Собранието. И името на Трајко Вељаноски е избришано од вратата на претседателскиот кабинет во Собранието, а печатите и штембилот веќе се наоѓаат во рацете на собраниските служби. Вељаноски уште синоќа почнал да ги изнесува неговите лични работи од претседателскиот кабинет.
Се очекува Џафери да испрати известување до Ѓорге Иванов за формирањето на ново парламентарно мнозинство, по што тој е должен да го даде мандатот за формирање на новата влада.
Веднаш по влегувањето во кабинетот, Џафери имаше средба со евроамбасадорот Самуел Жбогар, кој објави фотографија од средбата на Твитер.
Met with Parliament's new Speaker Mr Xhaferi. Expressed EU's readiness to work with him on necessary reforms for Euro-Atlantic integration pic.twitter.com/iG9lVS3PC3
— EU Ambassador (@AmbassadorEU) May 3, 2017
Виктор Јованов