Талат Џафери избран за претседател на новиот парламентарен состав

Од:

Талат Џафери е по вторпат избран за претседател на Собранието, со 62 гласови „за“ нема воздржани и 43 против. Гласаа вкупно 105 пратеници. Пратеничката група на ВМРО-ДПМНЕ и пратениците на Левица не го поддржаа предлогот на владејачкото мнозинство за избор на Џафери. Изборот беше проследен со аплауз од страна на владеачкото мнозинство во Собранието, додека пак, пратениците на ВМРО-ДПМНЕ ја напуштија салата пред Џафери да даде свечена изјава дека функцијата ќе ја врши совесно и одговорно.

Ставот на ВМРО-ДПМНЕ е дека Џафери ќе биде извршител на СДСМ и ДУИ и затоа одбија да го поддржат предлогот, додека пратеникот Апасиев смета дека Џафери не бил одраз ниту на ефикасноста, ниту на безбедноста, ниту пак бил чувар на Деловникот, како што рече, што го фалеле во текстот предлагачите.

Со изборот на собранискиот спикер, првпат се потврди новото парламентарно мнозинство, што го сочинуваат 62 пратеника – 46 на СДСМ и Коалицијата „Можеме“, 15 на ДУИ и еден на ДПА.

Ова е вторпат како Џафери е избран за претседател на Собранието. За разлика од крвавиот 27 април кога за првпат беше избран, овој пат, гласањето течеше во мирна атмосфера. Мандатот на претседателот трае четири години.

Седницата за избор на Џафери за претседател ја водеше заменик-претседавачот, Горан Мисовски.

Би можело да ве интересира

Продолжува амандманската расправа за Предлог буџетот

Џафери: За спротивставување на дезинформациите и говорот на омраза треба промовирање на култура на толеранција и инклузија

Ана Ололовска

Османи: Мнозинство има, очекуваме преку разговорите да се зголеми дополнително

Ана Ололовска

Парламентите во Македонија, Србија, Црна Гора и БиХ да донесат законски решенија за новинарите да се третираат како службени лица

А1он

Завршува општата комисиска расправа за буџетот за 2022, од утре ќе се разгледуваат амандманите

Одложени активностите во Собранието поради автобуската несреќа во Бугарија

Ана Ололовска