Во пресрет на матурските прослави, кои почнуваат од утревечер, началникот на Секторот за превенција во СВР-Штип, Ангелчо Стојановски на денешната прес-конференција упати апел до матурантите да се воздржат од консумирање алкохол.
– Покрај тоа што статистичките податоци за претходните три години укажуваат на намалување на негативните настани при организирањето на матурските прослави, сепак тие укажуваат дека се уште ги има и дека најголем број од нив се како последица на конзумирање алкохол. Алкохолот не е причинител за среќа, туку напротив најчесто е причина за проблеми, започнувајќи од нарушување на јавен ред и мир со карање, викање, фрлање или кршење шишиња, чаши и други предмети, предизвикување или учество во тепачки, сообраќајни несреќи, па се до оние со потешки последици по здравјето и животот, а особено на младите, вели Стојановски.
Остекот за превенција при СВР-Штип апелира до матурантите да ги почитуваат законските прописи, а доколку тие имаат нешто да пријават во текот на прославата да го пријават настанот кај полициски службеник, кој е на терен или на бесплатниот телефонски број 192.