СВР Битола во пресрет на матурските вечери кои во текот на наредната седмица ќе се прославуваат во битолските ресторани, на матурските одбори им посочи низа превентивни информации во функција на безбедно одвивање и завршување на матурските свечености.
Од СВР-Битола на матураните им предочија за време на матурските прослави да не користат алкохол или дрога, да не управуваат со моторни возила без положен возачки испит или под дејство на алкохол или дрога и да избегнуваат кавги, тепачки или други расправии.
Според востановената традиција, на директната средба меѓу матурските одбори и СВР-Битола, стручните лица од битолската полиција нагласија дека за време на матурските вечери ќе бидат зајакнати сообраќајните и други контроли со цел безбедно и достоинствено одбележување на матурската прослава.