Светски ден на бубрегот

Од:

Здружението на бубрежно болни граѓани НЕФРОН денеска организира одбележување на Светскиот ден на бубрегот – 9 март. Темата за оваа година е бубрежните заболувања и прекумерната телесна тежина.

Светскиот ден на бубрезите се фокусира на здравјето на бубрезите во целиот свет, а во Македонија се одбележува 12 години

Одбележувањето на Светскиот ден на бубрегот е денот кога го посетуваме населението да обрне внимание на ризик факторите кои влијаат врз појавата и прогресијата на бубрежните заболувања. Следејќи ги светските иницијативи кои истакнуваат дека бројот на лица со прекумерна телесна тежина се зголемува и дека оваа состојба е ризик фактор за бубрежните заболувања, овогодинешната кампања е посветена токму на оваа тема.

Светскиот ден на бубрезите се одбележува во соработка со Македонското здружение за нефрологија, дијализа, трансплантација и вештачки органи како и учество на одговорни личности во сегментот на здравството од државните институции во РМ (Министерството и Фондот за здравствено осигурување), МАНУ и други здравствени установи, организации и со поддршка на медиумите, традиционално се приклучува во глобалната светска мрежа на организации кои го одбележуваат денот.

Хроничната бубрежна болест (ХББ) која е застапена кај 10 отсто од населението во светски рамки, а се предвидува да се зголеми за 17 проценти во текот на следната деценија е глобално здравствено прашање и клучна тема која се третира низ одбележувањата на Светскиот ден на бубрезите во изминатите години. На полето на подигнување на свесноста за значењето на ХББ, можностите за превенција, рано откривање, соодветен третман и спречување на компликации од истата останува многу да се работи.

Би можело да ве интересира

Медицинско лице фатено како прима поткуп, Министерството за здравство бара истрага и ги повикува граѓаните да пријавуваат вакви случаи

Владата одвои многу пари за модернизација на нашето здравство, вели министерот Азир Алиу

Министерот Кенеди отпушта 10.000 луѓе во здравството

ВЛЕН: Здравството во нашата земја е разбудено од „клиничката смрт“

Интервју со проф. д-р Светозар Антовиќ: Првиот симпозиум на MAAS ќе биде историски настан за нашата хируршка заедница

Таравари признава дека има мито во здравството, повика граѓаните да пријавуваат

Катерина Ѓуровски