Македонија одбележува 20 години од формирањето на Армијата на Република Македонија. По тој повод, вечерва во Домот на АРМ ќе се одржи свечена академија, на која ќе присуствуваат Претседателот на државата и Врховен командант на вооружените сили Ѓорге Иванов, министерот за одбрана Фатмир Бесими, началникот на ГШ на АРМ, генерал мајор Горанчо Котески, министри во Владата, поранешни министри за одбрана и началници на ГШ на АРМ, пратеници во Собранието на Република Македонија, градоначалници.
На академијата ќе присуствуваат и амбасадори, воени аташеа, високи воени претставници акредириани во земјава, делегации од Вооружените сили на Република Турција и Националната гарда на американската сојузна држава Вермонт.
Свое обраќање ќе има Претседателот на државата и Врховен командант на вооружените сили Ѓорге Иванов.
Иванов, по повод јубилејот ќе ги одликува со Орден за воени заслуги генералот во пензија Митре Арсовски, Полкот за специјални операции на АРМ, Националната гарда на Вермонт и Турската воена академија.
