Сузана Салиу во понеделник ќе даде свечена заклетва и ќе стапи на должноста заменик народен правобранител.
ДУИ и ВМРО-ДПМНЕ ја сместија на оваа сигурна и добро платена позиција, непосредно по лавината критики за нејзиното неснаоѓање како директор на Центарот за управување со кризи на Република Македонија со катастрофалните поплави. Наместо одговорност за огромната штета, власта веднаш ги сместува своите на уште подобри места.
Паричните примања според податоците за оваа позиција е 80.000 денари, а мандатот 8 години со право на уште нови 8 години.
Од 1997-2006 , таа веќе беше заменик на народниот правобранител на Република Македонија, доаѓајќи од новинарската фела.
Како кадар на ДУИ беше избрана за пратеник и потпретседател на Собранието на Република Македонија. (2011-2014).
Образованието и магистратурата Салиу ги стекнува во Приштина, а во нејзината биографија стои дека од познавање јазици, владее со англискиот, а мајчин јазик и е албанскиот.