Основниот суд во Кочани издаде наредба за распишување на меѓународна потерница по Ива Михаилова која вчера замина во Бугарија, иако против неа во Македонија се води судска постапка за сообраќајна несреќа со смртни последици.
Според наредбата потерницата ќе ја распише Министерството за внатрешни работи.
Денеска Министерството за надворешни работи и надворешна трговија го повика бугарскиот амбасадор во земјава, Желјазко Радуков, во врска со случувањата поврзани со Ива Михаилова, при што му беше пренесено дека начинот на кој таа била пречекана во Софија, вклучително и најавите за нејзин прием на високо ниво, претставува провокација и ги подрива напорите за градење доверба и развој на добрососедските односи.