Штрајкот на лекарите е времено забранет, откако тоа во Основниот суд Скопје 2 вчера го побара министерот за здравство.
Неофицијално, на ваква одлука се одлучил судот поради тоа што синдикатот не навел под кои услови и како ќе се одвива штрајкот. Искористена е и контрадикторноста во законот за работни односи во кои се вели дека штрајк не смее да има до завршување на помирувањето меѓу двете страни, но и дека помирувањето не го одлага штрајкот.
Доколку се потврди оваа одлука, тогаш судот по кој знае кој пат ќе ја покаже својата зависност од политиката, со оглед дека правото на штрајк е загарантирано со Уставот. Ваква одлука и вчерашното барање на министерот од судот да го спречи штрајкот покажува дека и анкетата на министерството за здравство со која се тврдеше дека лекарите ги поддржуваат новите мерки, меѓу кои и учинокот, не била воопшто точна.