Судот бара доказ од вештакот, дали Боки 13 должи на „Систина“

Од:

Бојан Јовановски не присуствуваше на второто рочиште во Граѓанскиот суд каде е тужен од страна на болницата „Систина“ за долг од 10 илјади и 300 евра. Тој за време на судењето, беше во Обвинителството за организиран криминал каде даваше исказ за случајот поврзан со работењето на Меѓународниот сојуз. Рочиштето беше одложено по барање на судот, откако судијката Лилјана Зафировска-Петреска побара вештакот да го дополни наодот.

Вештакот Елизабета Дамеска-Јовановска кој го најми болницата „Систина“ кажа дека се анализирале документи со кои „Систина“ барала да и се платат парите кои Бојан Јовановски ги должи.

„Тужениот ја примил спорната фактура од 11.04.2019 година во износ од 634.251 денар. Како потврда дали здравствените услуги се извршени, направив увид во медицинското досие на тужениот. По анализа на документацијата констстирав дека од страна на тужениот е побарана здравствената услуга од тужителот и таa е извршена. Согласно ова, тужителот побарува од тужениот 634.251 денар кои до денот на изгорвувањето на вештањето, не беа платени“, рече вештакот Дамеска-Јовановска.

Вештото лице на прашање од судот рече дека не била во просториите на „Систина“, а медицинската документација и фактурите, и биле достсвени по електронска пошта. Судот побара од вештото лице да го дополни наодот бидејќи е нецелосен и да изврши увид во сметководствено-финансиската документација на „Систина” за да одговори на прашањето „Дали во сметководството е евидентиран неплатен долг од страна на тужениот, дали можеби е платен делумно или воопшто не е платен“.

Судот му даде рок од 30-дена на вештакот да направи увид во „Систина“, по што, следното рочиште го закажа за февруари идната година.

Побарувањето на болницата „Систина“ против неформалниот сопственик на „1 ТВ“ и обвинет, Бојан Јовановски е затоа што направил хируршка интервенција во болницата, примил фактура во април годинава, но не ја платил, а вложил и приговор на нотарскиот налог, по што предметот заврши на суд.

Боки 13 е обвинет заедно со Катица Јанева и Зоран Милевски во предметот „Рекет” на Обвинителството за гонење организиран криминал и корупција. Пред скопска Апелација Јовановски се жалеше дека животот му е во опасност поради интервенцијата во „Систина“. Тој беше пренесен и во градската болница „Осми септември” поради болки и нагон за повраќање.

Би можело да ве интересира

Јовановски нуди гаранција од над 140 илјади евра за да излезе од Шутка

Мери Јордановска

Судијката од „Рекет“: Досега сум немала никакви притисоци за предметот

Мери Јордановска

(ВИДЕО) Милошоски по средбата со Русковска: Заев да даде исказ дали знаел за финансирањето на 1ТВ

Габриела Димковиќ-Мишевска

Николоски: Денешното рочиште покажа дека „Рекет“ е координиран од семејството Заеви

А1он

За Јовановски снимките од ПИ-мерките се несерозни, а себеси се нарече „мало бебе“ во однос Милески

Кристијан Ландов

Адвокатот на Јанева: Ќе видите дека е нудење поткуп прво од сопругата на Камчев, а изгледа и од него

Кристијан Ландов