Судија разрешен поради нестручно и несовесно вршење на функцијата

Од:

Судскиот совет на Република Северна Македонија известува дека на 357-та седница одржана денеска во постапките за утврдување на одговорност на судија/претседател на суд донесе одлука со која е утврдено нестручно и несовесно вршење на судската функција, одлука со која е изречена дисциплинска мерка писмена опомена и одлука со којa е разрешен судија од вршење на судиската функција.

Во соопштението од Судскиот совет не се именува конкретниот судија, а не се соопштуваат ни детали за тоа на кој тој начин постапил несовесно. Во образложението на одлуката се вели дека причината за разрешувањето е „нестручно и несовесно вршење на судиската функција, како и дека истовремено е донесена одлука за времено оддалечување на судијата од вршење на судиската функција до правосилно завршување на постапката.“

Како што е наведено во известувањето објавено на веб-страницата на Судскиот совет, формирани се комисии на известувачи по поднесените барања за поведување постапка за утврдување одговорност на судија/претседател на суд.

На седницата по едно барање за утврдување одговорност на судија/претседател на суд е продолжена постапката, донесена е одлука и за престанок на функцијата на судии поротници на Основен суд Прилеп и за избор на судии поротници на Основен суд Прилеп, а разгледани се и извештаите на комисиите во повторените постапки по повод конечна пресуда на Европскиот суд за човекови права во Стразбур и Советот одлучи комисиите да ги доработат извештаите по дадените насоки.

Би можело да ве интересира

Судски совет донесе заклучок за продолжување на постапката за избор на двајца членови на Советот

Судски совет донесе одлука за пензионирање на двајца судии

Судски совет ги оспори пред Уставен суд законските измени со кои се стопираше зголемувањето на платите на судиите

Судски совет: Со интервенција во законот директно се влијае врз нормалното функционирање на судовите

Ѓорѓи Андонов и Тодор Поп Панев избрани за судии во Апелациониот суд Штип

Судскиот совет добил претставка и постапува по одлуката на Врховен суд за зградата на ССМ