Судењето за „Талир“ одложено за 28 мај

Од:

Судијата Осман Шабани, по барање на адвокатот на обвинетите Дончо Наков, го одложи денешнито рочиште за предметот „Талир“ на Специјалното јавно обвинителство, кој се однесува на незаконско финансирање на партијата ВМРО-ДПМНЕ. Судењето ќе просолжи на 28 мај.

Според Наков, барањето за одлагање на судењето е поради членот 22 од законот за СЈО кој во моментов се наоѓа пред пратениците во Собранието за негово автентично толкување.

Обвинетиот Илија Димовски кој е пратеник појасни дека процедурата во Собранието е дека Парламентот не носи одлука дали прифаќа или не иницијатива за автентично толкување туку треба да достави барање за мислење до Влада, а по негово добвивање се разгледува на Комисија и се утврдува предлог кој се доставува до претседателот на Собранието кој пак свикува пленарна седница на која се носи автентично толкување.

Во случајот „Талир“ обвинети се Никола Груевски, Кирил Божиновски и Миле Јанакиески кои се товарат за „злоупотреба на службената положба и овластувања“ и „перење пари“, како и Илија Димовски, Леко Ристоски и Елизабета Чингаровска обвинети само за делото „перење пари“. За истото дело, како правен субјект со обвинението опфатена е и ВМРО-ДПМНЕ.

На Елизабета Чингаровска нема да ѝ се суди бидејќи таа се спогоди со СЈО, призна вина и доби условна казна затвор од две години, која нема да се изврши ако во наредните пет години не направи друго кривично дело.

Според обвинението, тие незаконски добиле најмалку 4,6 милиони евра за партијата, а потоа организирале тие пари да бидат уплатени на жиро-сметката на партијата преку уплатници на име на разни луѓе.

Би можело да ве интересира

Советот на обвинителите бара повеќе информации за „Рекет“, од понеделник ќе расправа за Јанева

Галена Николовска-Ризвановиќ

(ВИДЕО) Стефанова: СЈО е во најтешка состојба од основањето, политичарите да го донесат законот за јавно обвинителство

Васко Маглешов

ВИДЕО: „Титаник“ одложен за 4 септември

Васко Маглешов

Празна судница на судењето „Талир 2“ за незаконската градба на седиштето на ВМРО-ДПМНЕ

Васко Маглешов

Дангов: Лиле Стефанова не може да го застапува „Титаник“ поради притворот на Јанева

Васко Маглешов

СЈО продолжува да ги застапува предметите, дилеми кој ќе ја замени Јанева

Ана Ололовска