Студентите во „Гоце Делчев“ останаа и без лифтовите – ниту еден не работи, а нагоре и надолу одат пешки.
– Лифтовите во студентскиот дом „Гоце Делчев“ не работат токму кога студентите треба да се иселуваат!
Се молат одговорните да преземат иницијатива – таблетите нема да им ги пренесат куферите на нашите колеги, апелираат од Студентскиот пленум.
Студентите бараат помош од надлежните кои досега многупати им ветуваа подобри услови.
– Со што ние заслуживме за да немаме топла вода, храна во мензите и продавниците, функционални лифтови и уште ред други неопходни услови за живот во нашите живеалишта, пишуваат тие.
Студентскиот дом „Гоце Делчев“ веќе е светски познат по мизерните услови, а власта се уште го користи за изборни кампањи-на секои шест месеци има по некое ново ветување, а условите стануваат се полоши.
Студентите подолго време се жалат дека нема топла вода во зградата Г, нема ништо за јадење во мензата, а во продавницата за која добиваат бонови, нема ништо да се купи.
-Битно нека имаат таблети студентите, а не е битно што пешачиме по 14 спрата и немаме вода да се избањаме, пишуваат студентите.