Се урна балкон од третиот кат од зградата во близина на Универзитетот во Синсинати, соопштија локалните власти, додавајќи дека 10 лица се хоспитализирани, од кои едно е во критична состојба.
– Пет лица се сериозно повредени, додека четворица се здобиле со полесни повреди, изјави капетанот на полициската управа во Синсинати, Стивен Бауер, на прес-конференцијата.
Тој рече дека зградата каде што се урна балконот е дом на многу студенти и додаде дека тие го славеле успешното положување на важен испит во времето на несреќата.
„Сè уште не е јасно колку луѓе биле на балконот во времето на уривањето, но властите го истражуваат уривањето“, изјави за WKRC-TV Френк Мекинли, началник на противпожарната служба во Синсинати.
Фотографиите и видеата објавени на интернет го покажуваат балконот на земја додека пожарникарите и полицијата интервенираат.