Студентите од семејства со ниски примања можат да аплицираат за владината еднократна финансиска помош

Од:

Министерството за образование и наука информира дека во тек е повик за доделување еднократна финансиска поддршка на студентите за плаќање на дел од партиципацијата во трошоците за студирање, дел од трошоците за сместување во студентски дом, односно на трошоците за приватно сместување.

– Право да аплицираат за една од понудените опции имаат сите студенти чие образование се финансира од Буџетот на Република Северна Македонија, а се дел од семејни домаќинства со низок доход. Износот на еднократниот финансиски надомест изнесува до 6000 денари, соопштија денеска од МОН.

Аплицирањето се врши на два начини, електронски или директно во Министерството за образование и наука.

Прв чекор во процесот на аплицирање е пријавување на кандидатите на платформата  www.digitalizirajse.mon.gov.mk,каде се одбира и начинот на кој ќе бидат доставени потребните документи и формулари (прикачени на посочената платформа). Повеќе информации околу условите, критериумите, документите и роковите за аплицирање се наведени во Уредбата со законска сила усвоена за реализација на оваа мерка за поддршка студентите, која е објавена на следниот линк http://mon.gov.mk/stored/document/Uredba_za_participacija.pdf..

Би можело да ве интересира

Јаулески: За ваучерите за електронски уред издвоени се 850 милиони денари со кои се опфаќаат над 55 илјади студенти

Германски модел кој ја менува иднината на младите во Македонија

A1on

ЖИВО: Судири на улиците на Белград

Предраг Петровиќ

ВИДЕО: Инцидент пред српското собрание, пратеничка извади нож на студентите

ВИДЕО: Студентите го кршат предизборниот молк во Косјериќ, хаос и во Заечар

Вучиќ: Државата нема да толерира насилство, ќе одговараат сите што учествуваа во линчот