На социјалните мрежи може да се потпише Петиција со која поранешните студенти на Ѓорге Иванов бараат тој да си поднесе оставка
„Ние, поранешните студенти на Правниот факултет “Јустинијан Први”, кои на предметите: Политички теории, Современи политички теории, Цивилно општество, па дури и Информатика, за професор го имавме Ѓорге Иванов, бараме истиот да поднесе оставка на функцијата Претседател на Република Македонија.
Ова наше барање е израз на разочарувањето кое го предизвика вчерашната одлука на Иванов, со општ акт да ги прекине сите кривични постапки против лица од власта и од опозицијата.
За нас, неговите поранешни студенти е срам што професорот од кого учевме за основите на политичките теории, и за важноста на цивилното општество, денес е човекот кој ги погази сите принципи за кои не учел и со својата одлука ја погреба демократијата и владеењето на правото во државата!
Професорот кој своето прво предавање на првиот час за сите студенти на политички науки, традиционално го започнуваше со реченицата: ‘Разликата меѓу политолог и политичар е како меѓу криминолог и криминалец’, со одлуката за аболиција, за жал, покажа дека тој всушност, никогаш не ја направил таа разлика“., се вели во текстот на Петицијата.