Граѓани од Дебар, Струга, и неколку градови од Македонија од вчера даруваат крв за повредените во автобуската несреќа која се случи во близина на албанскиот приморски град Химара.
Заминувањето на граѓаните од пограничните градови со Албанија беше во организација на Хуманитарната организација Ел Хилал, која има свои канцеларии во повеќе градови во Македонија.
Секогаш треба да сме тука со наште браќа, со нашите комшии и да си помагаме секогаш кога ќе има потреба од такво нешто. На семејствата на загинатите им изразуваме длабоко сочуство додека на повредените им посакуваме побрзо закрепнување рече граѓанин на Струга кој даруваше крв.
Иако има доволно единици крв барем за сега, се најавува дарување крв од наши граѓани и наредните денови.Инаку во автобуската несреќа загинаа најмалку 12 лица студенти, а 25 се повредени кога автобусот излетал од патот и паднал во амбис во близина на албанскиот приморски град Химаре, 220 километри јужно од Тирана.
[nggallery id=8]
Мики Трајковски