Втор ден по ред струмичките пожарникари со цистерна ги снабдуваат со техничка вода жителите на селото Мемешли откако им пресушили тамошните бунари.
-По барање на жителите до Општината веќе два дена им носиме вода до бунарите, кои заради сушата и топлото време пресушија. Водата не е за пиење, туку за лични потреби и за напојување на стоката. Со вода за пиење се снабдуваат од извори, а со доставување на техничка вода ќе продолжиме се додека е потребно, рече командирот на ТППЕ Струмица, Алексндар Гудев.
Инаку, во селото Мемешли живеат околу педесетина жители од турската национална заедница.