Екипи на јавното претпријатие за комунални дејности „Комуналец“ деновиве почнаа со чистење на каналот „Крушевска Реублика“, на потегот од мостот на улицата „Климент Охридски“ до сливот во реката Тркања.
Стојан Ефтимов, раководител на единицата „Водовод и канализација“ информира дека истовремено се чистат и наносите од материјал долж сливот на каналот „Крушевска Република“ во реката Тркања.
– Со оваа акција опфатени се 1.500 метри од каналот „Крушевска Република“ како и 200 метри долж реката Тркања. Во наредниот период ќе следи и рачно чистење на наносите под мостот на улицата „Климент Охридски“ кои во моментот прават застој на слободното истекување на отпадните води кои се сливаат во каналот, рече Ефтимов.
Според надлежните, со преземените мерки за чистење на каналот „Крушевска Република“ до сливот во река Тркања ќе се обезбеди слободно истекување на атмосферските води во реката Тркања и со тоа, како што велат, во голема мера ќе се заштитат граѓаните од овој дел од градот од ризиците за излевање при поголеми и обилни врнежи.
