И струмичани го кренаа гласот против полициската бруталност. Протестниот марш го започнаа од плоштадот „Гоце Делчев“, а го завршија пред зградата на СВР Струмица која беше обезбедена од кордон полицајци. Откако со седнување на асфалт беше упатена пораката дека се дојдени на мирен протест, со цвеќе им го честитаа денот на македонската полиција.
Од илјадници грла одекнуваше „убијци“ и „нема правда нема мир„ а побараа оставка од Гордана Јанкуловска и Никола Груевски.
Протестот помина мирно, но со силно полициско обезбедување. Протестите на струмичани ќе продолжат и утревечер.
