СОУ „Јане Сандански“ од Струмица денеска и утре ќе биде домаќин на Регионалниот натпревар од Светскиот ученички куп по англиски јазик.
Околу 400 ученици од земјава и регионот преку практикување на англискиот јазик ќе одговараат на прашања, ќе пишувата есеи и ќе дебатираат.
Победниците ќе учествуваат на глобалниот натпревар во Барселона, кој ќе се одржи од 22 до 27 јули и на него се очекува да учествуваат над 2.500 учесници од 50 земји. Најдобрите во Барселона ќе бидат поканети на „Турнирот на шампионите“ кој ќе се одржи на Универзитетот „Јеил“ во Њу Јорк, САД.
Лани ученичките Тијана Иванова, Магдалена Стојанова и Ивана Цветанова од струмичката гимназија учествуваа на завршниот натревар во САД, каде под менторство на професорките Верица Јанкова и Натка Јанкова освоија четири златни медали и на тој начин овозможија регионалниот натпревар да се одржува во Струмица.
Свеченото отворање на натпреварот е закажано за денес во 13 часот.