Стручната јавност со отворено писмо до Заев: Спасете го просторот кај Холидеј Ин

Од:

Преку отворено писмо до премиерот Зоран Заев, неколку невладини организации и граѓани бараат да го спречи градењето на висококатници на паркингот кај Холидеј Ин.

„Бараме од Вас јавно да покажете дека не го поддржувате финалното уништување на главниот град со реализација на лоши планови“, велат потписниците на отвореното писмо, бидејќи како што наведуваат „Оваа локација заслужува отворен архитектонски конкурс и максимално инклузивен процес во донесувањето на планот“.

Според нив ова е ултимативна шанса за Скопје која мора да се искористи во име на граѓаните, а не во интерес на инвеститорите.

„Со молчењето на Владата и покрај бројните реакции на јавноста, се создава впечаток дека не се почитува интересот на граѓаните, ниту пак стручното мислење зошто овој ДУП не смее да се извршува. Државната комисија за спречување на корупцијата отвори постапка за утврдување на ризици за склучување на коруптивни договори при јавни набавки за изработка и ревизија на ДУП-овите во Општина Центар“, се наведува во барањето.

Тие бараат Владата да ја поддржи суспензијата од Општина Центар за ревидирање на ДУП ЦО8, како и сите други ДУП-ови кои со стручна анализа се докажани како неусогласени со ГУП, а со тоа погубни за центарот на Скопје и за граѓаните.

Како потписници на овореното писмо се јавуваат неколку архитекти, како и невладини кои и во минатото се спротивставуваа на дополнителното урбанизирање на Скопје, како што се Здравје пред профит во Центар, О2 ИНИЦИЈАТИВА, Движење на екологисти на Македонија и други.

Би можело да ве интересира

ВИДЕО: Богдановиќ, Шилегов и Заев на увид во градежните активности на улицата „Орце Николов“

Ана Ололовска

Општина Центар: Инвеститорите се закануваат со кривични пријави, притискаат да градат кај „Треска“

Жарко Настоски

Советниците во Центар не гласаа за суспензија на ДУП-от, ама ќе се прават нови елаборати за „Гранд“

Жарко Настоски

Општина Центар донираше илјада книги во општинските основни училишта по повод 23 април – Светскиот ден на книгата и авторските права

Ана Ололовска

МГ Фешн: Имаме основа за целосно легитимна правна постапка за претрпена штета, ако се случи суспензија на планот

Ана Ололовска

Заев: Повеќе од половина од парцелата кај Холидеј Ин е предвидено да биде зелена површина

Жарко Настоски