Двајца стражари вчера претепале затвореник во Идризово кој е префрлен веднаш на скопската клиника. А1он ги има имињата на тепачите но ќе почека да се огласи Управата за извршување на санкции со детали за овој случај, со оглед дека биле запознаени со инцидентот.
На претепаниот затвореник, Зукер Ибраимов му биле скршени четири ребра, имал внатрешни крварење и врз него се врши оперативен зафат.
Затвореникот кој е на издржување на казна од 10 години бил претепан зашто го терале да работи, а кога им кажал дека има друга работа се нафрлиле врз него.
Затворениците тврдат дека од Управата за санкции и народниот правобранител биле во затворот, но дека тоа ништо не помага со оглед дека полициските командири се поставени по партиска линија и се заштитени. Тие се жалат дека секојдневно се тепани и малтретирани без причина и дека никој не може да ги заштити.
Предраг Петровиќ