Твитер пораките со мачките на белгискиот експет Питер Ванхауте, во кои тој критички ја коментира македонската политичка состојба, не престануваат да се инспирација за нови коментари на социјалните мрежи.
Фејсбук групата „Странски служби“ се подбиваат со спорот што ВМРО – ДПМНЕ го отвори со експертот и медијатор во преговорите Ванхауте, заради неговите твитер пораки со мачките. Тие напишаа: „Странските Служби открија заговор: меѓународната заедница мести мачка за премиер на новата влада!“
„Вашиот бивш премиер спие многу немирно. На нашите снимки од неговите соништа се појавуваат чудни слики…“
ВМРО – ДПМНЕ соопшти дека не го признава белгискиот експерт и дека за нив е „само турист“, иако твитер пораките на Питер Ванхауте се негови лични ставови изнесени на неговиот приватен твитер профил. ЕУ веќе соопшти дека официјалните ставови ги пренесува преку свои соопштенија и преку евроамбасадорот Аиво Орав.