Стотици луѓе се собрани на Првомајска кон населбата Драчево по страотната сообраќајна несреќа во која загинаа две лица.
Сообраќајот е блокиран, собрани се роднини на загинатите, а пристигна и возило на брза помош бидејќи неколкумина од нив загубија свест. Телата на двете млади момчиња се уште се на местото на несреќата и се чека да пристигне јавен обвинител да изврши увид. Од МВР се уште немаат детали како се случила несреќата.
Очевидците тврдат дека двете момчиња биле сами во двете возила и по сообраќајната несреќа загинале на лице место. Станува збор за момчиња на возраст од околу 20 до 30 години.
Мери Јордановска
