СТОП за извршителите и ограбувањето на народот

Од:

Се повеќе се бара преземање мерки против големите овластувања на извршителите и огромните давачки кои се наметнуваат.

На социјалните мрежи почна организирање на акција за стопирање на самоволието на извршителите.

-Време е да кажеме ДОСТА на ограбувањето на народот од страна на извршителите, нотарите и сите пропратни субјекти во неправедниот систем со кој за минорни долгови се наплатуваат огромни суми и тоа од најсиромашните.
Приклучете се на оваа страница, најпрво да собереме критична маса, а потоа да преземеме иницијатива и ги искористиме сите законски алатки кои ни стојат на располагање се со цел да иницираме промена на законот за извршување, пишува на страната СТОП за извршителите.

Оваа тема е актуелна и во опозицискиот блок, а лидерот на СДСМ, Зоран Заев досега во неколку наврати укажа дека ваквата практика ќе мора да се спречи.

На дебатата која се организираше во кампот на слободата пред Владата, Заев одговараше и на прашање за извршителите и извршните решенија со кои се погодени илјадници граѓани кои нема каде да се пожалат и на кои им се зема се.

Заев одговори дека голем дел од овие одлуки се спротивни на законите и на Уставот, и дека се пречекорува границата од една третина од плата, и дека се зема се, па дури и плус од членови на семејството.

– Ова не е според закон, ова не го предвидува Уставот, преминати се ингеренциите. Извршителите не смеат да ја вршат улогата на конечно осиромашување на најсиромашните. Мораме да изградиме праведно општество со социјална правда, каде што ќе се знае до каде може да се оди со извршителите и извршните решенија, рече Заев.

Би можело да ве интересира

Влада: Нема да има присилна наплата за даночни долгови доспеани во мај и јуни

Ана Ололовска

Се запира примената на Законот за извршување до 30 јуни 2020 година

А1он

(ВИДЕО) Калеска – Ванчева: Со новиот Закон за извршување, износот од 1/3, се намалува на 1/5 од просечните примања

Ана Ололовска

Дескоска: Измената на Законот за извршување е одраз на реалната потреба

Ана Ололовска

(ВИДЕО) Глигорова: За криминалот на извршителите ќе бараме одговорност и кај Вилма Русковска

Ана Василевска

(ВИДЕО) Заев: Предлагаме закон за отпишување на сите камати на граѓаните-должници, за сите предмети дадени за извршување до крајот на 2017 година

Leave a Comment

4 × 3 =