Кандидатот за градоначачлник на општина Василево на ВМРО-ДПМНЕ, Ванчо Стојанов, денеска на прес-конференција истакна дека нема да се осврнува на, како што рече клеветите, навредите и неоснованите обвинувања, туку на проектите што ги нудат.
– Вие сте тие што ќе донесете одлука и го имате последниот збор за нашата општина, за нашата татковина. Најважната наша цел е да ги реализираме волјата и потребите на граѓаните. Вие многу добро знаете кој обезбедува услуги и работа, а кој само зборува напразно, кој ги исполнува своите ветувања, а кој ги заборава своите ветувања, чии ветувања се реални, а чии ветувања се бесмислени, рече Стојанов.
Додаде дека, тој и кандидатите за советници од ВМРО-ДПМНЕ имаат подготвено визија и план за да ги довршат сите започнати проекти и да почнат реализиација на нови.