Директорот на генералниот директорат за проширување на Европската комисија, Стефано Санино денеска е во работна посета на Македонија.
Санино ќе има средби со претседателот на Собранието на Република Македонија Трајко Вељаноски и со министерот за надворешни работи Никола Попоски.
Како што информираат од Министерството за надворешни работи, Попоски пред Санино ќе ги образложи постигнатите реформи во Република Македонија кои придонесоа ЕК по четврт пат да ја потврди препораката за почеток на пристапните преговори на нашата земја за членство во ЕУ.
Министерот Попоски ќе го запознае соговорникот и со резултатите од последната посета на медијаторот Метју Нимиц на Скопје, како и со активностите кои Република Македонија ги презема во насока на промовирање на добрососедските односи.
Санино ќе има средба и со лидерот на СДСМ, Бранко Црвенковски.