Претседателот на Самостојниот синдикат на Клиничкиот центар, др. Дејан Ставриќ пред стартот на денешните преговори со Министерот за здравство Никола Тодоров, рече дека едно од првите барања кои денеска ќе ги стават на преговарачката маса е да се иземе од преговорите Синдикатот„ Маја тереза“.
Според Ставриќ, овој не е легитимен синдикат и со тоа нема никакво право во истовреме да преговара за барањата на лекарите со Самостојниот синдикат и Министерот на иста маса. Ставриќ алудриајќи на новоформираниот синдикат рече „ Не знам кој се тие, Мајка Тереза или баба Зумбула, но ќе барам да се исклучат од преговорите“.
Не кажа колку време му дава на Министерот да ги усогласат ставовите, но потврди дека за време на преговорите лекарите протестите ќе ги стават во мирување. Преговорите на преставниците на “белите мантили“ и Министерот започнаа во 13 часот.
Тие се очекува да му го пренесат своето незадоволство од новиот систем за плаќање по учинок, кој што предвидува наградување и казнување на лекарите, во зависност од тоа што сработиле во текот на денот, бројот на пациентите, интервенциите и операциите или прегледите.