Од КП Комуналец -Полин од Стар Дојран соопштија дека од утрово во прекин е водоснабдувањето во Стар Дојран поради дефект на главната водоводна мрежа која го снабдува со вода за пиење целото подрачје на ова населено место.
Комуналците велат дека дефектот е предизвикан од преоптовареност на водоводната мрежа и поради зголемената потрошувачка на вода од се поголемиот број туристи кои престојуваат во ова подрачје.
Екипите се ангажирани на терен и ветуваат дека водоснабдувањето ќе се стабилизира во попладневните часови или најдоцна до крајот на денот.
Деновиве состојбата со водосанбдувањето во овој дел на општината е нестабилна, но од Комуналното претпријатие велат дека екипите се постојано на терен и работат на санирање на проблемите за да им овозможат пријатен престој на сите туристи кои летуваат на дојранското крајбрежје.
