Самостојниот синдикат на новинари и медиумски работници (ССНМ) денеска го достави Нацрт – Колективниот договор за медиумската индустрија до координаторот на пратеничката група на ВМРО – ДПМНЕ Илија Димовски.
– Секое од решенијата што ССНМ ги нуди во Нацрт-Колективниот договор се добредојдени за вградување при евентуалното менување на Законот за медиуми, затоа што со тие решенија се подобруваат правата на медиумските работници, што е еден од основните предуслови за слободата на медиумите, соопшти ССНМ.