ССМ против работодавачите околу неработната недела: Навикнати сте на робовладетелско општество

Од:

Сојузот на синдикатите на Македонија (ССМ) реагира на денеска изразените ставови на Организацијата на работодавачи, коja смета дека владиниот план за неработна недела ќе предизвика проблеми и загуби во работењето на голем број компании.

„Да си правиш дебата дали требало или не да се работи во недела и да дебатираш сам со себе без да ги слушнеш работниците, односно оние кои ти работат во недела, е еднакво на робовладетелско општество на кое се навикнати македонските работодавачи,“ велат од ССМ.

„Ги прашуваме дали на дебатата станало збор дека за работа во недела само за додатокот кој треба да го платат на работниците, а не го плаќаат, им остануваат 7 милиони евра за само една работна недела и 3 милиони евра за придонеси од задолжително социјално осигурување кои требало да ги платат на Државата.

На каков начин ги мотивирале досега работниците да им работат во недела и со својот труд да им го создаваат капиталот?

Се прашуваме дали поранешниот Директор на технолошко индустриските развојни зони (ТИРЗ) при привлекување на странските инвеститори, на истите им нудел робови или работници во Македонија, за кои очигледно се борел да не мораат да бидат ниту одморени ниту платени за својата работа, а поради тоа и таму е забрането да се формираат синдикати и работниците да се организираат за заштита на нивните работнички права,“ се вели во реакцијата од ССМ.

Би можело да ве интересира

„Недела неработен ден“ наскоро на владина седница

Катерина Павлова-Николовска

Синдикатите испорачаа барања за почитување на работничките права

Ана Ололовска

ССМ: Вработувањето на определено време да трае најмногу една година

Ана Ололовска

ССМ: Ковид-19 да се признае како професионално заболување за сите работници

ССМ ја презентираше новата мобилна алатка за пријавување на прекршени работнички права

Ана Ололовска

Синдикатот ги предупреди газдите: Без дубари со државните пари за работнички плати

Жарко Настоски