ССМ: Партиите да не ги блокираат работничките закони

Од:

Сојузот на синдикатите на Македонија (ССМ) ги повика политичките партии да престанат со политичките игри на сметка на граѓаните и на остварување на нивните социјални права и на правата на работниците.

Во реакцијата на ССМ предизвикана од блокирањето на работата на Комисијата за труд и социјална политика, се вели дека Комисијата треба да го поттикнува а не да го кочи донесувањето на закони кои се во прилог на работниците.

– Деновиве сите сме сведоци на штетно одолговлекување и свесно создавање хаос во Парламентот, при што најдебелиот крај го извлекуваат работниците, пензионерите и корисниците на социјални права. Кочењето на Комисијата за труд и социјална политика оневозможува донесување редица законски решенија, од чија имплементација корист имаат граѓаните на Република Македонија, на кои треба да се подобри нивниот социоекономски статус и состојбата во која се наоѓаат- сев ели во реакцијата од ССМ.

ССМ, се вели во реакцијата, е загрижен што не се усвојуваат предложените измени во Законот за работни односи, со кои се предвидува забрана на сите облици на дискриминација на жените, при интервјуа за работен ангажман, вклучувајќи го и откажувањето на договорот за вработување на жените кои се веќе работно ангажирани и кои се наоѓаат во состојба на бременост.

– За жал, и после целонеделната преписка претседателката на Комисијата за труд и социјална политика во Собранието и понатаму не размислува да ја откочи нејзината работа и да закаже седница на која предложените законски измени ќе бидат усвоени – велат од ССМ.

– Апелираме во најскоро време да се изнајде решение со која Цветанка Иванова ќе ја одблокира работата на Комисијата и ќе свика седница на која овие измени ќе бидат усвоени, а тоа е во интерес на сите засегнати страни. Доколку таа не изнајде решение бараме тоа да го стори претседателот на Собранието кој не смее да дозволи кршење на Деловникот- нагласуваат од ССМ.

Во време кога постигнуваме значителен напредок во делот на работничките права, се подвлекува, бараме да се обезбеди апсолутен политички консензус по однос на ова прашање, бидејќи само така ќе успееме да ги приближиме нашите закони со оние со европски предзнак, а веруваме тоа е во интерес на Република Македонија, како држава со европски афинитети.

Би можело да ве интересира

Синдикалната минимална кошница за март 58 998 денари, само за еден месец се зголеми за 1522 денари

Орце Костов

Синдикатот на битолскиот универзитет го демантира Џафери: Документацијата ја доставивме навремено

ССМ бара повторување на постапката за конфискацијата на Работничкиот дом, најавува и протести

ССМ поднесе барање до Судскиот совет за разрешување на тројцата врховни судии кои донесоа одлука за одземање на работничкиот дом

Судскиот совет добил претставка и постапува по одлуката на Врховен суд за зградата на ССМ

ССМ бара оставка од тројцата судии што ја донеле одлуката за одземање на зградата, најавуваат постапка и пред Судскиот совет