Сојузот на стопански комори се приклучи кон хуманитарната акција за помош на поплавените во Србија и во Босна и Херцеговина.
Вчера се испратени 40 илјади литри вода, помош од компанијата „Трансмет“ и „Боми 10 логистик“, а од ССК денеска информираа дека и останатите компании индивидуално се организираат и помагаат секој во својот домен на дејствување.
– Сојузот на стопански комори во соработка со Црвениот крст на Република Македонија ја следи состојбата и ќе помага во зависност од апелот за потреба на количина материјали кои се неопходни за населението (вода, храна, апчиња, хигиенски средства, храна за бебиња и сл.) со парични средства, како и со донации на телефонскиот бројот 143 400, се наведува во соопштението.