Средношколка од Kрива Паланка наградена на меѓународен натпревар по француски јазик

Од:

Во конкуренција со ученици од шест држави од централна и источна Европа, гимназијалката Исидора Нунева од средно општинско училиште „Ѓорче Петров“ од Крива Паланка го освои третото место на Меѓународниот натпревар по француски јазик „Олимпијади“.

Втората по ред „Олимпијада“ по француски јазик се одржа во Ловеч, Република Бугарија. Организатор е Meѓународната франкофонска организација GREFECO, во соработка со Министерство за образование на Бугарија и локална самоуправа на Ловеч.

– Учествуваа вкупно 36 ученици од Молдавија, Бугарија, Македонија, Романија, Ерменија и Албанија. Од нашата држава учествуваа шест ученици, три од билингвална паралелка и три од класична гимназија, сите кои ги освоиле првите три места на државен натпревар минатата учебна година, додека нашата Исидора го освои третото место во екипно презентирање од класична гимназија, информира Сашка Младеновска, професор по француски јазик во СОУ „Ѓ.Петров“ и предводник на делегацијата од Македонија.

Натпреварот се состоеше од писмен дел со состав на тема „Велат дека не постојат граници помеѓу младите“ по што учениците настапија екипно каде усно презентираа излагања на тема „Патување и пишување“.

По повод освоената награда, директорот на СОУ „Ѓ.Петров“ органзиираше свечен прием на кој ги поздрави успесите на менторот и ученичката, посакувајќи им добри резултати и во иднина.

Би можело да ве интересира

Гори борова шума во кривопаланечко, пожарот се прошири кон Србија

Горан Наумовски

(ВИДЕО) Манасиевски: Градоначалникот тепач од Крива Паланка, пред јавноста глуми жртва, а во суштина се однесува шерифски во општината

(ВИДЕО) Ангелковска: ВМРО-ДПМНЕ системски го партизира и образованието, постоечките образовни асистенти заменети со нови партиски кадри

Митовски: Пожарите во Крива Паланка се локализирани, но сѐ уште постои опасност од разгорување

ЦУК: „Ер тракторот“ дејствува во Крива Паланка, а хеликоптерот на МВР е упатен кон селото Орман

Се разгорува пожарот над Крива Паланка