Жителите на туристичката наслеба Трпејца среде сезона се соочуваат со проблеми со нормално снабдување со вода и електрична енергија. Тие викендот останале без вода за пиење, а слаб е и преносот на струја. Поради ова жителите полнеле вода со кофи од селските чешми.
Директорот на Јавното претпријатие Проаква Томе Паскаловски за А1он ја потврди веста. Според него проблемот не е во водоснабдителниот систем туку затоа што селото со вода за пиење се снабдува со специјални пумпи со кои се црпи вода директно од езерото.
„Проблемот е во електричната енергија бидејќи напонот е многу низок.Во текот на викендот напонот на електрична енергија беше 110 волти, напон кој ги усклучува пумпите бидејки имаат сигурносна заштита и со тој напон тие можат да прегорат.
ЕВН го знае проблемот, а комуницираме и со локалните жителите. Ние ќе направиме максиумум да ги снабдиме со вода за пиење жителите, но не и да направиме штети кои ќе го загрозат водоснабдувањето“, рече Паскаловски.
Паскали вели дека во Трпејца вода во моментот има, но дека во попладневните часови доаѓа до намалување на притисокот на вода и нормалното снабдување со вода.
„Нашите екипи се на терен и се во тек со состојбата. Струја во Трпејца сега има но е со низок напон кој е многу опсен за пумпите кои вршат пумпање на вода од езерото до пумпните станици. Имавме разговори и со ЕВН“, рече Паскаловски.
Мики Трајковски
