Денеска во просториите на Нова социјалдемократска партија – НСДП се одржа средба помеѓу претседателот на Нова социјалдемократска партија-НСДП, Тито Петковски и Претседателот на Либерално демократска партија – ЛДП, Андреј Жерновски.
На средбата беа разменети мислења околу актуелната политичка состојба во РМ, за Извештајот за напредокот на РМ на Европската комисија, за начинот на делување на опозициските партии, како и за односот на пратениците на двете политички партии кон Собранието на РМ.
Исто така заеднички е констатирана потребата од многу поблиска соработка меѓу партите од опозицискиот фронт и проширување на опозицискиот блок со нови субјекти.