„Вчеравечер во присуство на Претседателот на СДСМ, Зоран Заев се одржа работен состанок на раководството на прилепската Општинска Организација на СДСМ на кој беа разгледани моменталните и идните чекори за вонинституционално опозициско делување на партијата.
На состанокот беа дискутирани деталите на 5-те клучни барања на СДСМ за надминување на политичката криза во државата. Тоа се одвојување на партијата од државата, регулација на медиумите и правична застапеност на опозицијата на МРТВ и останатитет медиуми, јасно прецизирање на Избирачкиот список и изборното законодавство и спроведување попис, а посебен акцент беше ставено на клучното барање за формирање на техничка Влада, која ќе гарантира организирање на слободни и фер избори во државата.
Во контекст на тоа беше потврден заклучокот, дека без договор за техничка Влада нема започнување разговори со ВМРО-ДПМНЕ за останатите теми што СДСМ јавно ги презентираше.
Присутните констатираа дека членството и поддржувачите во Прилеп се единствени и даваат целосна поддршка до Претседателот Заев и раководството на СДСМ да се продолжи стратегијата на партиско делување надвор од институциите, како единствен начин за враќање на демократијата во Република Македонија.
Истовремено беше истакната неопходноста за изградба на систем од опозициски институции, кои ќе бидат слободарски пандан на режимската влада на ВМРО-ДПМНЕ“, се вели во соопштението на СДСМ.