Делегација на Социјалдемократскиот Сојуз на Македонија, предводена од претседателот Зоран Заев, денеска оствари средба со министерот за надворешни работи на Романија, Титус Корлатеан.
На средбата се разговарало за актуелните политички состојби во државата, билатералните односи помеѓу Македонија и Романија, а особен акцент се даде на партиските активности и идната соработка помеѓу Социјалдемократскиот сојуз на Македонија и Социјалдемократската партија на Романија.
Министерот Корлатеан изразил задоволство за зголемувањето на степенот на демократизацијата на СДСМ по последниот партиски конгрес и упатил честититки до новоизбраното раководство на партијата.
Како што соопшти СДСМ, била дадена отворена покана за продолжување и зајакнување на меѓупартиската соработка на СДСМ и партијата од која тој доаѓа. Тој ја изразил својата поддршка за ЕУ и НАТО интегративните процеси на Република Македонија.
