На иницијатива на пратеникот Весел Мемеди од НДП закажана е средба на партиите од албанскиот блок во Собранието на која ќе се разговара за точките од декларацијата на албанските партии.
Од Движењето Беса најавија нема да присуствуваат на средбата, со образложение дека останатите партии се однесуваат нетранспарентно и не ја брифирааат Беса за она што е договорено да биде дел од владината програма.
-Ние не се договаравме така, тие не го испочитуваа онаа што се договоривме. Концептот не беше тој кога ја потпишувавме декларацијата, а освен тоа Беса нема информација што од таа платформа е дел од владината програма, а што не. Затоа ние одлучивме да не бидеме дел од таа среба“, рече Африм Гаши од Беса кој додаде дека целосна енигма е и нацрт-законот за јазиците и дека нема да дадат поддршка без да знаат за какво законско решение станува збор.
Во врска со нацр-законот за јазиците, Гаши вели дека во Беса немаат информација и до каде подготовката на законот и кога тој ќе пристигне во Собранието.
Oва е втора средба по формирањето на Владата на која се разговара за реализирањето на заедничката декларација. Првата средба се одржа пред околу еден месец и беше по иницијатива на ДУИ.
Виктор Јованов