Средба на Никола Димитров со Матиjс ван дер Плас, генерален директор за европска соработка во холандското МНР

Од:

Министерот за надворешни работи на Република Македонија, Никола Димитров, во работна средба го прими Матиjс ван дер Плас, генерален директор за европска соработка во МНР на Кралството Холандија.

Димитров ја презентираше реформската агенда на Владата на Република Македонија, насочена кон враќање на европската и евроатлантската перспектива на земјата и нејзините граѓани. Во таа смисла, искажа благодарност за особено значајната холандска помош во спроведувањето на реформски процеси, неопходни за интегрирањето во ЕУ и НАТО.

Димитров изрази и задоволство од континуираниот и конструктивен политички дијалог меѓу двете министерства за надворешни работи, со очекување дека ваквиот тренд ќе продолжи, паралелно со дополнително збогатување на соработката во останатите области од заемен интерес.

Високиот холандски гостин ги поздрави досегашните реформски активности на Владата на Република Македонија, оценувајќи ги како силно охрабрувачки и потврдувајќи дека холандската поддршка на тој план ќе продолжи засилено да се манифестира во иднина. “Холандија беше и ќе биде голем пријател на Македонија“, истакна генералниот директор ван дер Плас.

Би можело да ве интересира

Хаос на улиците на Амстердам: Две пукотници за половина час, еден маж е тешко повреден

Мајка и три деца, македонски државјани, се евакуирани од Израел

Вкупно 22 македонски државјани побарале помош за напуштање на територија на Израел и враќање во земјава

Предраг Петровиќ

Апел на МНР: Не патувајте во Израел и Иран, не е безбедно

Горан Наумовски

Кралицата на Холандија подари ѕвоно направено од руско оружје на црква во Чешка

Брекелманс: Кина ги шпионира холандските високотехнолошки сектори