Државниот секретар во Министерството за надворешни работи на Република Македонија, Виктор Димовски денеска имаше средба со амбасадорот на НР Кина во РМ, Јин Лисјен.
Димовски информираше за активностите на Република Македонија на 6-тиот Самит на шефови на влади на процесот за соработка на НР Кина со земјите на Централна и Источна Европа (Процес 16+1). Во тој контекст беа споменати инфраструктурните проекти презентирани од премиерот Зоран Заев на билатералната средба со кинескиот премиер Ли Кечјанг. Воедно, Димовски информираше и за билатералните средби на премиерот Заев и придружната делегација, на маргините на Самитот.
Амбасадорот Лисјен ја потврди поддршката на НР Кина за имплементација на инфраструктурните билатерални проекти од интерес на Република Македонија. Воедно по повод јубилејот, пет годишнината од соработката во рамките на Процесот 16+1, го претстави документот „5-годишна листа на резултати од процесот за соработка на Кина со земјите на Централна и Источна Европа“ од 28.11.2017 година.